Guddiga Dhaqaalaha, Maaliyadda, Ganacsiga, Warshadaha, Isgaarsiinta iyo Dalxiiska Aqalka Sare ee Baarlamaanka JFS, ayaa maanta yeeshay kulankoodii 2-aad ee Kalfadhiga 6-aad ee Baarlamaanka JFS.
Xubnaha Guddiga maaliyadda oo gudanaya waajibaadkooda shaqo ayaa bilaabay ka shaqaynta iyo ka doodista hindise sharciyeed uu guddigu gacanta ku hayo kuwaas oo kala ah.
1- hindise sharciyeedka Hay’addaha Maaliyadda.
2- hindise sharciyeedka Canshuurta Dakhliga
3- hindise sharciyeedka Shirkadaha Caymiska.
4- hindise sharciyeedka wax-ka-beddelka sharciga dhaqista iyo ka hortaga maalgelinta argagixisada,
Guddigu wuxuu dulmar guud, akhrin iyo turxaan bixin ku samayn doonnaa dhammaan shuruucdaas aan kor kusoo xusnay iyagoo kaashanaya sharciyaqaanadda golaha .
Sidoo kale kulanka guddiga waxaa qayb ka ahaa Wasiir ku-xigeenka Wasaaradda Maaliyadda Mudane Cabdiqafaar Cilmi Xaange, isaga oo faahfaahin iyo sharaxaad ka bixiyey qodobo la xiriira shuruucda guddigu ku howlan yahay
Kulanka waxaa shir guddoominayay Guddoomiyaha Guddiga Maaliyadda Aqalka Sare Sanatar Cabdi Axmed Dhuxulow Dhegdheer, Waxaana qayb ka ahaa qaar ka mid ah xubnaha guddigu.
